Aguero: Messi është normal, është njeri

21:18 | 16 Qershor 2018
Arbresh.info

Futbollisti Sergio Aguero, i ka dalur në mbrojtje kapitenit të tij, Lionel Messi, pasi ky i fundit nuk u tregua i saktë nga pika e bardhë ndaj Islandës.

Aguero e hapi llogarinë për Argjentinën në barazimin 1-1 kundër Islandës në Grupin D, të shtunën në Moskë, para se Alfred Finnbogason ta barazonte rezultatin me golin e parë të Islandën në Kupën e Botës.

Sulmuesi i Man City shënoi golin e parë në botëror, por bashkëlojtari i tij, Messi,  nuk i ndihmoi që të grumbullonin tre pikët e para në këtë kampionat.

Messi humbi penalltinë ndaj Islandës.

“Leo është normal, ai është njeri”, tha Aguero për TyC Sports.

“Sot, duhet të jemi me të, ne e dimë se në çdo moment ai mund ta vendosë ndeshjen. Ndeshja e parë gjithmonë është e vështirë. Argjentina dëshiron të fitojë kundër çdokujt”, shtoi ai. /arbresh.info/

 

Shpërndaje në rrjete sociale

Lajmet më të lexuara

Të ngjashme

Foto lajm